1466 hk 錢唐控股 - 長時間部署的「空殼」，易手淨係齋炒 ?
今日討論 1466 hk 錢唐控股，如果大家有留意我的IG Post就知我一直留意 1466 hk 錢唐控股，
連結分享 : https://www.instagram.com/p/CWaVuepJJd3/ 及 https://www.instagram.com/p/CUumHwyvX6m/
而今次分享，主要希望由「殼」方面，向大家分析一隻財技股的炒作，
「殼」到底係咩一回事 !?
文章內容
1466 hk 錢唐控股 : 「殼」的去路
1466 hk 錢唐控股 係非常典型「殼」，唔少香港上市公司都愈來愈走向成為「殼」，
「殼」最簡單定義，就是業務簡單，偏向於 : 飲食業、放債、工程、做Trade、基金等，
業務愈簡單，下一個買家就愈方便接手，只須要換董事，換股票，再削下股就可以完成 Non GO，
全購就更加簡單，下一手買家可以直接比錢，成隻殼就屬於新買家 !
黃金時期，一隻「殼」可以到10億以上，而今時今日香港「殼」出路就愈來愈難 !
由於唔少金主自己都蝕錢，市場上大家都「緊水」，要養「殼」就相對更難，
同一時間，新買家都愈來愈少，莊友堅又好，孫粗洪又好，基本上猛人都退下火線，
加埋由2020年開始大部分生意愈來愈差，基本上賺賺埋埋都唔夠養殼，
生意差，生意又單一，好容易就比證監講你業務不足，迫你退市，
而「業務不足」係一個非常難處理嘅問題，你本身未必身邊有人有生意可以買賣，
同一時間，買返黎嘅生意又唔可以同原本生意差太遠，本身做開餐飲，
買間凍肉公司都合理，買間財仔公司就有D過份，所以唔少「殼」，
都前無退路，後有追兵，天空仲要比直升機追緊 !
1466 hk 錢唐控股 : 典型「殼」仔
1466 hk 錢唐控股 業務主要是珍珠及珠寶產品之採購、加工、設計、生產及批發分銷，
大家一聽昵個業務就知道，基本上係香港無任何前途，而且市場一定愈來愈細，
同一時間，1466 hk 錢唐控股當中公司的資產不斷減少，
基本上 1466 hk 錢唐控股 入面只有極少資產，
無論係固定資產、現金、應收款項都少得可憐 !
同一時間，負債以及股東權立益都不斷減少 !
業務少、業務單一、生意又差，
基本上未來只有兩個方向，賣殼或者退市 !
1466 hk 錢唐控股 : 大比例合股供股
由2020年9月開始，1466 hk 錢唐控股經歷了兩次配股，以及 1:1的供股，
合供印左 417,312,964股，而本來股本只有 221,984,964，
接近印 187%股票，當然大比例印股票可以有好多唔同原因，
個人分析，1466 hk 錢唐控股相當大機會會炒高GO，然後再搵微信女散貨，
當然純粹個人推斷，至於後事如何，都要睇莊家本領 !
不過要小心一點，1466 hk 錢唐控股業務非常少，
絕對有機會被證監入佢業務不足，所以小心為上 !
如果有任何問題，可以隨時Pm我，打到昵度先 !
大師兄為你分享不同類別的投資心得，由投資細價股、財技股，由供股,合股,拆股,配股,可換股債等等，到財務自由教學，到不同類別的理財心得，為你全方位分析市場最新的股票、理財、投資、物業等等的最新資訊，為你避開不同的投資陷阱，立即Click入，一同與市場進步，學習更多投資理財方法 !
