商湯 20 大跌50%，從招股書找出港股IPO沽貨危機 !
微信女洗倉股就成日聽，但大價股洗倉大家反而少見，
理論上，一個正常投資者買股票，都會覺得，
一隻上千億嘅股票比一間創業版上市公司安全，
而商湯 20 就為大家對大價股有更新睇法，
原來一隻2000億市值嘅股票都可以單日跌5成，
到底好似商湯 20嘅大價股，應該點避開大跌 ?
到底點解一隻大價股都可以單日跌50% ? Let’s Go !
文章內容
商湯 20 : 被誤用的價值投資
無論係商湯 20或者係其他股票，好多新IPO上市，
都會有人問我唔同嘅意見，最常問就係:「你點睇間公司 !」
一般黎講，我都係答 No Comment ! 因為我唔識 !
根據商湯 20 招股書第219頁，「業務」當中，
商湯講自已係「我們是一家行業領先，專注於計算機視覺技術，賦能百業的人工智能軟件公司。
根據
沙利文的報告，按2020年的收入計，我們是亞洲最大的人工智能軟件公司，
同時是中國最大的計算機視覺軟件提供商，市場份額達11%」
我地再簡單睇一睇，其實商湯係做咩生意先 !
商湯 20 有4個主營業務 : 企業開放平台 – 商湯方舟、城市開放平台 – 商湯方舟
、SenseME/SenseMARS/SenseCare、智能汽車平台 – 商湯絕影等
唔好問我係做咩，因為我都係Copy and Paste，老老實實，
我如果連一間公司都唔知做咩就長揸，睇兩眼盤數就講好生意，絕對係呃你 !
商湯 20 : 被誤用的價值投資 (2)
一般而言，價值投資的成立是基於業績的增加，間接令股票變得有價值，
基本上，愈簡單嘅業務就愈吸引價值投資者，即係Fund Man同市場資金，
咩叫一個簡單嘅業務，以前嘅可口可樂、維他奶、大家樂、美團等，
當然可口可樂同美團業務都不斷增加，但美團主營業務都係圍繞餐飲業，
可口可樂主營都係圍繞飲品，成本分析同業績都係相對易去分析，
但去到高科技公司同研究業嘅B仔公司，就算係Fund Man都未必好易分析到，
打個比方，你研究一個人工智能同一隻新藥成本係好難去分析，
你研究完都唔係好知，係唔係真係好有市場，當然，
可以係因為我唔係昵個行業嘅專家，但如果大家真係想價值投資，
盡量搵易估易計嘅公司，好似煤氣、中電，相對容易估值好多 !
唔好搵太高難度或者自已唔熟公司，去估計人地嘅業務水平，
因為根本完全估唔到，等同於未開過餐廳，去估人地營業額 !
商湯 20 : 邊個揸緊股票 ?
投資大價股的IPO如 : 快手 1024、商湯 20、快狗打車 2246等，
必須要知道，有幾多股東揸緊股票、股票成本以及了解股票禁售期，
好似快手 1024，騰訊作為當中一個前期技資者，平均成本折讓99.97%，
如果係你，仲要無禁售期，你會唔會沽哂佢 ?
同樣道理，商湯 20 的前期投資者折讓 96%，
如果係你，你會唔會係半年後，係市場沽股票 ?
商湯 20 : 大環境下的破壞力
如果大家有留意，上兩年，恆指由24000點升到30000點時，
大部份上市新股基本上都不斷炒高股價，但現時全部經濟都咁差，
基本上，接近所有大價IPO新股，上市後，一完禁售期之後，
大家都唔夠錢，個個都想沽貨袋錢係身，如果個前期投資者係你，
你手頭上股票比市場價平左96%，你會唔會沽左先算 ?
定係等埋大家之後先沽 ? 2日商湯成交量係28億股左右，
前期投資者仲有大把股未沽完，大家一齊睇下商湯 20之後有咩搞作 !
如果有任何問題，可以隨時Pm我，打到昵度先 !
大師兄為你分享不同類別的投資心得，由投資細價股、財技股，由供股,合股,拆股,配股,可換股債等等，到財務自由教學，到不同類別的理財心得，為你全方位分析市場最新的股票、理財、投資、物業等等的最新資訊，為你避開不同的投資陷阱，立即Click入，一同與市場進步，學習更多投資理財方法 !
